[Dit is slechts een illustratieve weergave van de teksten in het corpus. Klik hier voor het volledige corpus met alle XML bronbestanden: C14NL.zip]
C14NL > C14NL-PoS > O598r30501.xml
Identificatie
country België
settlement *** leeg ***
repository *** leeg ***
collection *** leeg ***
idno *** leeg ***
Historiek
origPlace O598r
settlement *** leeg ***
region *** leeg ***
weten alle de ghene die siin e(nde) selen siin / dat joncvro magriete van rume heeft ont
faen e(nde) es gheerft wel e(nde) wettelike na de costume e(nde) dusage van den lande jn ellef
vierendel lants Dat te houdene jn alsulker manieren et der seluer vormen dat hou
dende was joncvro anes van musebrouc / dat es te wetene / dat soet cochte jeghen
michiele barlebane et gaeft hem omme erflike omme xxxvi. sc paris siars / te ghelde
ne te kersauonde et ne gonde hiit niet / et de ghene diet na he(m) houden selen
siars binnen den vieren kersdaghen so ware(n) die vorseide .xi. vierend(eel) lants v(er)burt
[et] mochter die vors joncv(ro) anes hant an slaen et berghen et dalen gheliic gheliic ha-
re ander eruen et jn allen dese vors pointen sonder meerne mindere(n) et enech of doen so
so heeft joncv(ro) magriete van rume vor ghenomt dese vors .xi. vier(endeel) lants ont
faen . et esser wel et wettelike jn ghe ereft als vorseit es / vore steuen den bart
macre bailiou sprofts van petenghe(m) jhan bonen piet(er) van heilebrouc e(nde) gherard
den parmentier scepen scepenen sforseits profts / orconden der jhan prochipape van mo(renghem) deken van oudenarde sust(er) beat(ri)s p(ri)euse van den spetale van ouden(arde) maes van
caleberghe jhan nose hannek(en) moenard te dien tiden clerc jnt spetail touden(arde) t
was ghed(aen) jnt jaer van g(ra)cien .m.ccc. e(nde) viue jn meie // jnt spetail in der p(ri)euser
camere ant kerchof

[Dit is slechts een illustratieve weergave van de teksten in het corpus. Klik hier voor het volledige corpus met alle XML bronbestanden: C14NL.zip]