[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
| Identificatie | |
|---|---|
| country | België |
| settlement | Ronse |
| repository | Rijksarchief Ronse |
| collection | Geraardsbergen, Onze-Lieve-Vrouwhospitaal |
| idno | 042bisr |
| Historiek | |
| origPlace | O228p |
| settlement | Geraardsbergen |
| region | Oost-Vlaanderen |
Weten alle deghene die siin en(de) die te comene siin . Dat allaems van der molen heeft ghegheuen jn erfeliker renten Clause
den plaits hem en(de) sinen oere een
half huus en(de) een half erue licghende bi der dusche porten neuen adriaens huus van middelhouen / om(m)e xvi s siaers van alselke(r) mu(n)ten alse ghinghe en(de)
gheue sal siin binne(n) gh(er)oustb(er)ge elke sjaers telken t(er)mpte dat de vorseide claus hi of siin oer de vorseide rente sculdech es te gheldene dats te wetene telken sen-
te pet(er)s daghe jnghane van oeste en(de) emmer elkes jaers binnen ere maent na sente peters dach vorseit v(er)golden te hebbene / ware oec dat sake dat Claus vor
seit hi of siin oer niet ne gholde allaemse vorghenoemt hem of sinen oere de vorseide rente elkes Jaers euweleke telken t(er)mpte vorseit gheliic dat voren
ghescreuen es en(de) [d]at de maent na sente peters dach vorseit ouer lede dan so mochte de vorseide allaems hi of siin oer hant slaen ant vorseide halue huus en(de)
erue en(de) houdent euweleke alse siin p(ro)per huus en(de)
erue sonder wedersecghen van yemene alse warbi dat de vorseide Claus hi no siin oer nem(m)ermer weder
her hebben en mochte n[o] negherehande recht daran clameren en mochte / en(de) al dartoe so heeft noch voert de vorseide claus bewist allaemse vorghenoemt
alle de haue en(de) alle de catteile die hi heeft ofte hebben mach sine hant hi of siin oer dar an te slane sonder mesdoen ou(er) de vorseide rente jn dien dat hem jet
ghebrake ant halue huus en(de) erue vorghenoemt welc halue huus en(de) erue vorseit hi no siin oer niet argheren en mach mar betten ouer alle dese vorwor
den waren jhan louis en(de) symoen coels scepenen van gh(er)oustb(er)ghe jnt jaer dat men seit . m . ccc en(de) . ix . sdisendachs na de t(ri)niteit . z . j . ueche s
half huus en(de) een half erue licghende bi der dusche porten neuen adriaens huus van middelhouen / om(m)e xvi s siaers van alselke(r) mu(n)ten alse ghinghe en(de)
gheue sal siin binne(n) gh(er)oustb(er)ge elke sjaers telken t(er)mpte dat de vorseide claus hi of siin oer de vorseide rente sculdech es te gheldene dats te wetene telken sen-
te pet(er)s daghe jnghane van oeste en(de) emmer elkes jaers binnen ere maent na sente peters dach vorseit v(er)golden te hebbene / ware oec dat sake dat Claus vor
seit hi of siin oer niet ne gholde allaemse vorghenoemt hem of sinen oere de vorseide rente elkes Jaers euweleke telken t(er)mpte vorseit gheliic dat voren
ghescreuen es en(de) [d]at de maent na sente peters dach vorseit ouer lede dan so mochte de vorseide allaems hi of siin oer hant slaen ant vorseide halue huus en(de)
erue en(de) houdent euweleke alse siin p(ro)per huus en(de)
erue sonder wedersecghen van yemene alse warbi dat de vorseide Claus hi no siin oer nem(m)ermer weder
her hebben en mochte n[o] negherehande recht daran clameren en mochte / en(de) al dartoe so heeft noch voert de vorseide claus bewist allaemse vorghenoemt
alle de haue en(de) alle de catteile die hi heeft ofte hebben mach sine hant hi of siin oer dar an te slane sonder mesdoen ou(er) de vorseide rente jn dien dat hem jet
ghebrake ant halue huus en(de) erue vorghenoemt welc halue huus en(de) erue vorseit hi no siin oer niet argheren en mach mar betten ouer alle dese vorwor
den waren jhan louis en(de) symoen coels scepenen van gh(er)oustb(er)ghe jnt jaer dat men seit . m . ccc en(de) . ix . sdisendachs na de t(ri)niteit . z . j . ueche s
[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
