[Dit is slechts een illustratieve weergave van de teksten in het corpus. Klik hier voor het volledige corpus met alle XML bronbestanden: C14NL.zip]
C14NL > C14NL-NeG > K744r34701.xml
Identificatie
country België
settlement Antwerpen
repository Rijksarchief Antwerpen
collection Boogaarden Doos 05
idno 1347 recto
Historiek
origPlace K744r
settlement Conteke
region Antwerpen
Alle den ghene(n) die dese lette(re)n( )selen sien ochte hoere(n) lesen / Wi scepene(n) gemeinleec vand(er) banc va(n) conteke mire vrouwe(n) ver
machtilde(n) va(n) . ghelre vrouwe va(n) mechelle en(de) va(n) eyke saluut en(de) kennesse der wareit / wi doen cont ene(n) jegewelke(n) dat Gielijs van
der loegenhage(n) es coeme(n) voere mire vrouwe(n) vornoemde mechtege cnape / ende vor ons / En(de) heeft bekent dat hi heeft v(er)cocht
wittelike en(de) wale omme ene summe van penninge(n) die hem wel vergoude(n) es / janne tserheinrijks soene ute(n) mortiere van Ant
werpen Alle jaere en(de) jaerlijks erfelike een sister rogs groet en(de) cuustbeer intueen / pen(n)inge(n) nae den beste(n) Te leuerne van Gieli-
se vornomt en(de) sine(n ) wittege(n) oere / desen janne vornomt en(de) sine(n) wittege(n) oere binne(n) der stat va(n ) Antw(er)pe(n ) en(de) op Gielijs cost vor
nomt en(de) vol te metene mett(er) mate va(n) Antw(er)pe(n) / Te geldene va(n) Gilise vorno(m)t( ) en(de) sine(n) wittege(n) oere desen jan vors. en(de) sine(n) wit( )tege(n) oere nu ten naesten sente jans dage dat men heet midde(n) soemere een halster rogs / En(de) te kersauonde daernaest volgen-
de een halster rogs / En(de) alsoe voert erfelike en(de) Emmermeer alle jaere va(n) tide te tide Voere welc sister rogs vornomt te gheldene
erfelike en(de) jaerlijks te desen vorsprokene(n) t(er)mine desen vornomde(n) janne en(de) sine(n) wittege(n) oere soe heeft dese gielijs v(er)bonde(n) en(de)
geset tene(n) gerechte(n) onderpande een stucke lands geheten tgroete bloc mette(n) gronde en(de) datt(er) toe behoert houdende omtrent vijf
vierdendeel lettel meer ochte min / en(de) dat hi heeft geloeft janne vornomt claer te waerne van alle(n) com(m)ere tote op drie moe
dekine euene(n) tsiaers te gheldene mire vrouwe va(n) mech. vorno(m)t en(de) dat men oec houdt van mire vrouwe(n) vornomt jn al
soe selker maniere(n) ware dat sake dat jan vorno(m)t ochte sijn wittech oer tenege(n) geldens tide hier naer jn gebreke ware in dele
ochte in altemale van desen vorscreuene(n) sister rogs dat dese jan vornomt ochte sijn wittech oer coeme(n) mochte mette(r) rech-
te en(de) slaen sine hant ane dat vornomde lant alse ane sine(n) pant bergent dale(n)t vrome(n)t en(de) ontvrome(n)t tote dat hem gnoech
gedaen ware va(n) alle sine(n) achterstellen en(de) gebreke(n) voert soe hoeft dese gielijs vornomt janne vornomt gheloeft waerscap
jaer en(de) dach van alle desen vorsprokene(n) vorwarde(n) jege(n) ene(n) jege(n)welke(n)) te rechte te staene / en(de) waerscap jaer en(de) dach Ende
voert meer soe heeft dese jan vornomt gheloeft voere hem en(de) sijn wittech oer op dit vornomde sist(er) rogs / ware dat sake
dat dit lant vornomt hiernae teneger tijt hem ter hant quame ouermids gebrec va(n) sine(n) pachte dat hi alle vriheit en(de) alle
ergelist achter geset plege(n) soude alle dies rechts dies dit vornomde lant heeft geploge(n) tote op desen jegenwerdegen
dach hier toe es gesciet bi maninge(n) des rechters vornomt en(de) bi onsen vonnesse aldat in alselke dinge met ene(n) rechte scul
dech was te gesciene naesede en(de) costume vande(n) lande alsoe datt(er) geen poynt in Rechte jn en gebrac altoes behoudenlike
ene(n) jegenwelke(n) sine(n) rechte Jn kenleecheide va(n) desen lettere(n) beseghelt met onsen gemeine(n) segele va(n) onser scepen
doeme uthangende Jnt jaer ons here(n) dusentech drie hondert viertech en(de) sesse in sente mathijs Auonde
[Dit is slechts een illustratieve weergave van de teksten in het corpus. Klik hier voor het volledige corpus met alle XML bronbestanden: C14NL.zip]