[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
| Identificatie | |
|---|---|
| country | België |
| settlement | Mechelen |
| repository | Stadsarchief Mechelen |
| collection | OCMW Mechelen |
| idno | 5233 recto |
| Historiek | |
| origPlace | P016p |
| settlement | Haacht |
| region | Vlaams-Brabant |
Wi scepene(n) van haecht doen cunt yeghe welke(n) dat come(n) es voer onsen richte(re)
en(de) voer ons jan vanden dyke van
haecht en(de) druech op den he(r) jnde hant . vierdalf . dachmael . lants luttel mi(n) ochte meer gheleghe(n) jnde prochie van
haecht op aedenbosch neue(n) m(er)g(ri)eten gheenmans ghuet en(de) v(er)teechs te jan macariis behoef rum(m)out rabboets
cnape . Daer nae waert jan macariis voers gheerft jndit voerbenoe(m)de ghuet jn alle dien rechte dat
beleghen es onghepoertert en(de) ongheuriit van allen saken en(de) dat hi en(de) siin oer van dien nameleke(n) ghue
de selen staen te scote en(de) te lote gheliic tshe(re)n op ghesetene(n) laten binnen haecht . Dit was al ghedaen m(et)
orloue en(de) m(et) manessen sricht(er)s en(de) m(et) vonnesse der scepene(n) voers en gheen poent van rechte achter
ghelate(n) datt(er) sculdech toe was ghedaen te sine behoudeleec yeghewelcs rechte . Dit tuyghen wi scepene(n)
van haecht ond(er) onsen p(ro)pren zeghel van onsen scependoeme die wi hier ane hebben ghehanghen jn ene(n) tekene
der waerheit . Ghegheue(n) jnt jaer ons he(re)n . m . ccc . en(de) lxiij . jn sinte michyels auonde
haecht en(de) druech op den he(r) jnde hant . vierdalf . dachmael . lants luttel mi(n) ochte meer gheleghe(n) jnde prochie van
haecht op aedenbosch neue(n) m(er)g(ri)eten gheenmans ghuet en(de) v(er)teechs te jan macariis behoef rum(m)out rabboets
cnape . Daer nae waert jan macariis voers gheerft jndit voerbenoe(m)de ghuet jn alle dien rechte dat
beleghen es onghepoertert en(de) ongheuriit van allen saken en(de) dat hi en(de) siin oer van dien nameleke(n) ghue
de selen staen te scote en(de) te lote gheliic tshe(re)n op ghesetene(n) laten binnen haecht . Dit was al ghedaen m(et)
orloue en(de) m(et) manessen sricht(er)s en(de) m(et) vonnesse der scepene(n) voers en gheen poent van rechte achter
ghelate(n) datt(er) sculdech toe was ghedaen te sine behoudeleec yeghewelcs rechte . Dit tuyghen wi scepene(n)
van haecht ond(er) onsen p(ro)pren zeghel van onsen scependoeme die wi hier ane hebben ghehanghen jn ene(n) tekene
der waerheit . Ghegheue(n) jnt jaer ons he(re)n . m . ccc . en(de) lxiij . jn sinte michyels auonde
[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
