[Dit is slechts een illustratieve weergave van de teksten in het corpus. Klik hier voor het volledige corpus met alle XML bronbestanden: C14NL.zip]
C14NL > C14NL-PoS > N069p33301.xml
Identificatie
country België
settlement *** leeg ***
repository *** leeg ***
collection *** leeg ***
idno *** leeg ***
Historiek
origPlace N069p
settlement Langemark
region West-Vlaanderen
WiE pauwels vlaminc . mich(iel) de ghier . fense ghoedybeur . jan de wale . en(de) clais de hane . scepene(n) mire joncvro
we van pasque(n)dale in de prochhie van langhemarc . doen te weitene alle(n) de(n) ghone(n) die deise lett(r)e zulle(n) zien
of hore(n) leisen . dat jacob gherboud port(r)e van yppre . heift ghecocht en(de) ghecreghe(n) Eruelike wel en(de) wettelike
te zine(n) bouf en(de) te sijns hoirs bouf . jeghe(n) janne de(n) amman ser jans zone en(de) ieghe(n) coste zin wijf . jeghen clais(zoon)
boitac labrechtszone en(de) ieghe(n) lisebette(n) zin wijf . en(de) ieghe(n) piet(er) keyen willems zone en(de) ieghe(n) jakemine(n) zin
wijf olle port(er)s van ypre . al tlant gheheel dat zi hadde(n) ligghende(n) onder mire joncvrauwe(n) vorseit in de
prochhie van langhemarc vte ghedaen . een ymet soudlands dat blijft de(n) vorseide(n) u(er)cop(er)s . twelke land iloopt
zesse ymeite litel min of litel meer En(de) es ligghende in de sticke(n) en(de) in de p(er)chelen hier naer genomt
dats te weitene in een stic lants van zesse ymete(n) . ligghende tussche(n) ser jans van der meulin lande an dene
zide . en(de) de(n) lande der weidewe ser frans van beisslare an dander zide . Jte(m) in een stic lands van drien ymete(n)
ligghende tussche(n) fense ghoedybeurs lande an dene zide . en(de) de(n) lande adelijsse(n) van den ghilthuse an dander zide
Jte(m) in een stic lands van viere ymeite(n) . ligghende tussche(n) de(n) lande Jans van der brigghe an dene zide . en(de) den
lande pauwels hughema(n)s kindre an dander zide . Ende in een ymet lands . ligghende tussche(n) heinrijc sgroten
lande an bede(n) zide(n) . van den welke(n) lande voerseid . de voerseide vercop(er)s sien wel verghoude(n) / En(de) hebbens halm
en(de) ghifte gheworpe(n) de(n) vorseide(n) Jacob gherboude . wel en(de) wettelike also costume en(de) vsage es onder mire
joncvrauwe(n) van pasquendale vorseit . En(de) hebbens hem ywed en(de) belooft ywarscep van alle(n) calaighne(n) ieghe(n) alle(n)
liede(n) quite land om(m)e quite ghelt behoude(n) shere(n) chens van de(n) lande diere vte ghaet . Jn orconscepe(n) ende
ghedaen int Jaer ons here(n) als me(n) screef .m.ccc. twe en(de) dertech in laumaent smaendaeghs
vor sinte vissensis dach
[Dit is slechts een illustratieve weergave van de teksten in het corpus. Klik hier voor het volledige corpus met alle XML bronbestanden: C14NL.zip]