[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
Identificatie | |
---|---|
country | Belgiƫ |
settlement | Ronse |
repository | Rijksarchief Ronse |
collection | Geraardsbergen OLVHospitaal |
idno | 172 recto |
Historiek | |
origPlace | O227p |
settlement | Nederboelare |
region | Oost-Vlaanderen |
Weten alle die ghene die siin ende die te Commene siin . Dat jhan van der steen
brugghen heeft ghecocht ende beiaecht wel en(de) wettelec jeghen jhanne vuten wyl
ghen . tien scellinghe pariiss siaers Erffeleker renten de welke hi hadde op een
huus en(de) op een Erue dat jan maes sbackers es gheleghen te nederboelaer neue(n) Claus
pyterays huus ende Erue in deen side ende jhan louiis jhan louiis sone huus en(de) erue
in dander side . Duelke huus en(de) Erue daert op beset es was der lombarden . Ende dese
vorghenomde rente te gheldene jhanne vorseit ofte den ghenen die dese Cirogra
phie brincht Emmer elkes siaers Euwelic durende telken kersauonde en(de) telken sente
marien licht meesse daer naest volghende vergouden te sine . Ter welker renten
vorseit jhan vore(n)ghenomt Comen es ende der jnne gheerft wel en(de) wettelec ende hef
ter al ane ghedaen dat hi sculdech was te doene bi wette naer Costume en(de) vusage van
nederboelaer . Duelke rente vorseit jhan vorseit Cochte om(m)e Eene som(m)e van ghelde
die hi wettelec betalt heeft . Hier ouer waren gillis miinne en(de) Claus martiin scepene(n)
van nederboelaer Dit was ghedaen Jnt Jaer doe men screef . xiij C en(de) lv in onser
vrouwen daghe in decembe(re)
brugghen heeft ghecocht ende beiaecht wel en(de) wettelec jeghen jhanne vuten wyl
ghen . tien scellinghe pariiss siaers Erffeleker renten de welke hi hadde op een
huus en(de) op een Erue dat jan maes sbackers es gheleghen te nederboelaer neue(n) Claus
pyterays huus ende Erue in deen side ende jhan louiis jhan louiis sone huus en(de) erue
in dander side . Duelke huus en(de) Erue daert op beset es was der lombarden . Ende dese
vorghenomde rente te gheldene jhanne vorseit ofte den ghenen die dese Cirogra
phie brincht Emmer elkes siaers Euwelic durende telken kersauonde en(de) telken sente
marien licht meesse daer naest volghende vergouden te sine . Ter welker renten
vorseit jhan vore(n)ghenomt Comen es ende der jnne gheerft wel en(de) wettelec ende hef
ter al ane ghedaen dat hi sculdech was te doene bi wette naer Costume en(de) vusage van
nederboelaer . Duelke rente vorseit jhan vorseit Cochte om(m)e Eene som(m)e van ghelde
die hi wettelec betalt heeft . Hier ouer waren gillis miinne en(de) Claus martiin scepene(n)
van nederboelaer Dit was ghedaen Jnt Jaer doe men screef . xiij C en(de) lv in onser
vrouwen daghe in decembe(re)
[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]