[Dit is slechts een illustratieve weergave van de teksten in het corpus. Klik hier voor het volledige corpus met alle XML bronbestanden: C14NL.zip]
C14NL > C14NL-PoS > O098p36601.xml
Identificatie
country België
settlement *** leeg ***
repository *** leeg ***
collection *** leeg ***
idno *** leeg ***
Historiek
origPlace O098p
settlement Oudenaarde
region Oost-Vlaanderen
Dat moeten weete(n) alle die sijn en(de) zeelen sijn dat maes de ketelbotere heeft ghenome(n) teene(n) erfelike(n) pachte
jeghe(n) den proui(serer) van der kerken en(de) van den arme(n) van pamele .j. huus en(de) erue staende bachte(n) muelne
te pamele dar yde van berlemont hute verstarf om(m)e .xxiiij. sc par tsiars dats te weet(ene) der kerke(n) .xij. sc
en(de) den arme(n) .xij. sc te gheldenne van jare te jare te .ij. payme(n)ten deen hilt telke(n) sente marie(n) lichtmesse
Ende dander hilt telke(n) sente jans messe dar nast volghende Ende alsoe voert erfeleke duerende En(de) dit
heeft maes vors gheloeft en(de) bewijst op tselue huus en(de) erue en(de) voert up alt goet dat hi heeft en(de) hebben
mach . en(de) der gillis van der meere der gillis van der craye(n) en(de) der jacop van den heede alse schepene(n) in
auden(aerde) dit was ghedae(n) int jar ons hee(re)n .m.ccc lxvj in k(er)sauonde

[Dit is slechts een illustratieve weergave van de teksten in het corpus. Klik hier voor het volledige corpus met alle XML bronbestanden: C14NL.zip]