[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
| Identificatie | |
|---|---|
| country | België |
| settlement | Antwerpen |
| repository | Rijksarchief Antwerpen |
| collection | Boogaarden Doos 05 |
| idno | 1364bis recto |
| Historiek | |
| origPlace | K744r |
| settlement | regioantwerpen |
| region | Antwerpen |
Wij Jan van cothen / Ende Jan van Duyst Scepene(n) jn Antw(er)pen maken cond / Dat vore ons quam willem van wesele / Ende
bekende dat hi om(m)e ene som(m)e ghelds die he(m) al ende wel es vergoude(n) vercocht heeft wittelike brueder heinrike van waleem
minister vand(er) derder ordene(n) van sente franciscus binne(n) antw(er)pen twee sistere goeds custbaers Roghs tsiaers jaerlekere en(de)
erfleke(re) Rente(n) op twee bunde(re) lands diemen heet verloren cost / ende op viere bundere ettinghe / min een half vierendeel ghe
leghen ane de moer strate Die claus de marcgraue nv terue houdende es vande(n) selue(n) willeme / op achte oude guldene hellin
ghe ende op een vierendeel van eene(n) ouden grote(n) / Ende daer toe op viere bundere ettinghen min een half vierendeel Die
hector de marcgraue nv houdende es vanden selue(n) willeme / op viue guldene hellinghe min een vierendeel van eenen ouden
grote(n) alsoe wii verstaen / Dat welke vors land ende ettinghe / de vorsvors. wille(m) verbond(en) heeft en(de) te pande gheset ouer dese
vors erfleke Rente / Te gheldene ende te gheuene van de(n) selue(n) willeme ende van sine(n) nacomelinghe(n) Den vors minister
ende den ghene(n) die namaels in sine stede ministe(r) sijn sele(n) ter aelmoesene(n) behouf die her jan strubolle priest(er) wile(n) binne(n)
hore co(n)uente gheset heeft vore sine ziele te gheuene erflec durende alle jare te kerssauonde ende te leu(er)ne binnen
antw(er)pe(n) te hore(n) co(n)uente vors / mett(er) antw(er)pscher mate(n) sond(er) hore(n) cost Oec soe gheloefde de vors willem al dese vors
goede te waerne com(m)erloes / los vri ende quite van alle(n) com(m)ere en(de) calaengie(n) op Drie oude grote tsiaers die de prochiae(n) van
wesele daer op heeft alsoe wij verstae(n) Ende waert dat de vors willem ende sine nacomelinghe / den vors minister ende sine(n)
nacomelinghen niet ghenoech en dade(n) alle jare telke(n) t(er)mine / ghelijc vors es en(de) si soe langhe in ghebreke ware(n) dat dene
pacht den andere verhaelde / soe soude(n) de vors minister oft sine nacomelinghe hore hant moghe(n) slae(n) ane dese vors pande alse ane
hoer proper goet / sond(er) enech wed(er)segghe(n) des vors willems oft sijnre nacomelinghe in eneg(er) manieren Oec sijn vorwaerden
dat de selue willem oft sine nacomelinghe dese vors twee sistere Roghs erfleke(r) Rente(n) af moghe(n) quite(n) coepe(n) oft bewisen
den vors minister oft sinen nacomelinghe(n) / op eene(n) goeden sekere(n) ond(er)pant die goet ghenoech es oft die alsoe goet es alse dese vors
pant gheleghe(n) op twee milen na antw(er)pen met alsulke(n) verbonde alse dese l(ett)ren begrepe(n) hebbe(n) ende ghelijc ende in al der
seluer maniere(n) dat de l(ett)ren beseghelt met der Scepene(n) ghemeine(n) seghele van wesele die hier af oec ghemaect sijn wel
in houden ende begripe(n) Jn kennessen van desen l(ett)ren beseghelt met onsen seghele(n) / ghegheue(n) jnt jaer ons he(re)n alsmen screef
m CCC tsestech ende Drie op de(n) neghende(n) dach van merte
bekende dat hi om(m)e ene som(m)e ghelds die he(m) al ende wel es vergoude(n) vercocht heeft wittelike brueder heinrike van waleem
minister vand(er) derder ordene(n) van sente franciscus binne(n) antw(er)pen twee sistere goeds custbaers Roghs tsiaers jaerlekere en(de)
erfleke(re) Rente(n) op twee bunde(re) lands diemen heet verloren cost / ende op viere bundere ettinghe / min een half vierendeel ghe
leghen ane de moer strate Die claus de marcgraue nv terue houdende es vande(n) selue(n) willeme / op achte oude guldene hellin
ghe ende op een vierendeel van eene(n) ouden grote(n) / Ende daer toe op viere bundere ettinghen min een half vierendeel Die
hector de marcgraue nv houdende es vanden selue(n) willeme / op viue guldene hellinghe min een vierendeel van eenen ouden
grote(n) alsoe wii verstaen / Dat welke vors land ende ettinghe / de vorsvors. wille(m) verbond(en) heeft en(de) te pande gheset ouer dese
vors erfleke Rente / Te gheldene ende te gheuene van de(n) selue(n) willeme ende van sine(n) nacomelinghe(n) Den vors minister
ende den ghene(n) die namaels in sine stede ministe(r) sijn sele(n) ter aelmoesene(n) behouf die her jan strubolle priest(er) wile(n) binne(n)
hore co(n)uente gheset heeft vore sine ziele te gheuene erflec durende alle jare te kerssauonde ende te leu(er)ne binnen
antw(er)pe(n) te hore(n) co(n)uente vors / mett(er) antw(er)pscher mate(n) sond(er) hore(n) cost Oec soe gheloefde de vors willem al dese vors
goede te waerne com(m)erloes / los vri ende quite van alle(n) com(m)ere en(de) calaengie(n) op Drie oude grote tsiaers die de prochiae(n) van
wesele daer op heeft alsoe wij verstae(n) Ende waert dat de vors willem ende sine nacomelinghe / den vors minister ende sine(n)
nacomelinghen niet ghenoech en dade(n) alle jare telke(n) t(er)mine / ghelijc vors es en(de) si soe langhe in ghebreke ware(n) dat dene
pacht den andere verhaelde / soe soude(n) de vors minister oft sine nacomelinghe hore hant moghe(n) slae(n) ane dese vors pande alse ane
hoer proper goet / sond(er) enech wed(er)segghe(n) des vors willems oft sijnre nacomelinghe in eneg(er) manieren Oec sijn vorwaerden
dat de selue willem oft sine nacomelinghe dese vors twee sistere Roghs erfleke(r) Rente(n) af moghe(n) quite(n) coepe(n) oft bewisen
den vors minister oft sinen nacomelinghe(n) / op eene(n) goeden sekere(n) ond(er)pant die goet ghenoech es oft die alsoe goet es alse dese vors
pant gheleghe(n) op twee milen na antw(er)pen met alsulke(n) verbonde alse dese l(ett)ren begrepe(n) hebbe(n) ende ghelijc ende in al der
seluer maniere(n) dat de l(ett)ren beseghelt met der Scepene(n) ghemeine(n) seghele van wesele die hier af oec ghemaect sijn wel
in houden ende begripe(n) Jn kennessen van desen l(ett)ren beseghelt met onsen seghele(n) / ghegheue(n) jnt jaer ons he(re)n alsmen screef
m CCC tsestech ende Drie op de(n) neghende(n) dach van merte
[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
