[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
| Identificatie | |
|---|---|
| country | België |
| settlement | Ronse |
| repository | Rijksarchief Ronse |
| collection | Geraardsbergen, Onze-Lieve-Vrouwhospitaal |
| idno | 086r |
| Historiek | |
| origPlace | O228p |
| settlement | Geraardsbergen |
| region | Oost-Vlaanderen |
Weten alle de ghene die siin en(de) die te Commene siin Dat Allise van der muelen heeft ghegheue(n)
in Erfelik(er) renten piet(r)en van den brouke den jonghen Een huus en(de) een Erue in allen den
ghelaghen dat gheleghen es in de brugstrate tuschen claus cupers huus en(de) Erue in deen side
en(de) louwereins van boute huus en(de) Erue jn dander side en(de) dit te houdene piet(r)en vors en(de) sinen Oere
van alisen vorenghenomt en(de) van haren Oere om(m)e . lv . s . suart(er) paris siaers ofte oude groete Coni(n)x
torn elken gherekent ou(er) . xij . d . paris ofte de werde d(er) af in ande(re)n munten ende die te gheldene emm(er)
elkes siaers te . s(ente) Jhans mess in midden zome(re) ofte telken . s(ente) bamess daer naest volghende vergoude(n)
te sine En(de) es te wetene ware dat sake dat piet(er) vors ofte siin oer niet ne golden alis vorengheno(m)t
en(de) haren Ore dese vors rente emm(er) elkes siaers telken . s(ente) . Jhans mess in midden zome(re) en(de) dat
. s(ente) . bamess daernaest volghende ou(er) leede eer dan dat de vors rente vergouden ware dat dan alise
vors ofte haer Oer souden moghen hant slaen ane dit vors huus en(de) Erue Jn allen den ghelaghen
dat gheleghen soude siin heertvast en(de) naghelvast en(de) houdent Euwelic paisiuelic ghelic hare(n)
ande(re)n properen goede sonder enech mesbur no weder segghen van ymene Alse waerbi dat piet(er) vors no siin Oer
nemm(er)mer neghenrande recht der an clamer(en) no ghecrighen en mochte(n) en ware bi den wille en(de) Co(n)sen(te) van Alis vors ofte van haren Oere ten welken huus en(de) Erue vors piet(er) vorenghenomt Come(n) es
en(de) der in gheerft wel en(de) te wette en(de) heeft(er) al af ghedaen dat hire af sculdech was toe te doene bi wette be
houden der vors renten . Dit was ghedaen Jnt Jaer dat men seit . m . iijc . xxxv smanendachs naer
de triniteit hier ou(er) waren Jhan vlieghe en(de) alaemes Crul scepene(n) van gheroudsberghe
in Erfelik(er) renten piet(r)en van den brouke den jonghen Een huus en(de) een Erue in allen den
ghelaghen dat gheleghen es in de brugstrate tuschen claus cupers huus en(de) Erue in deen side
en(de) louwereins van boute huus en(de) Erue jn dander side en(de) dit te houdene piet(r)en vors en(de) sinen Oere
van alisen vorenghenomt en(de) van haren Oere om(m)e . lv . s . suart(er) paris siaers ofte oude groete Coni(n)x
torn elken gherekent ou(er) . xij . d . paris ofte de werde d(er) af in ande(re)n munten ende die te gheldene emm(er)
elkes siaers te . s(ente) Jhans mess in midden zome(re) ofte telken . s(ente) bamess daer naest volghende vergoude(n)
te sine En(de) es te wetene ware dat sake dat piet(er) vors ofte siin oer niet ne golden alis vorengheno(m)t
en(de) haren Ore dese vors rente emm(er) elkes siaers telken . s(ente) . Jhans mess in midden zome(re) en(de) dat
. s(ente) . bamess daernaest volghende ou(er) leede eer dan dat de vors rente vergouden ware dat dan alise
vors ofte haer Oer souden moghen hant slaen ane dit vors huus en(de) Erue Jn allen den ghelaghen
dat gheleghen soude siin heertvast en(de) naghelvast en(de) houdent Euwelic paisiuelic ghelic hare(n)
ande(re)n properen goede sonder enech mesbur no weder segghen van ymene Alse waerbi dat piet(er) vors no siin Oer
nemm(er)mer neghenrande recht der an clamer(en) no ghecrighen en mochte(n) en ware bi den wille en(de) Co(n)sen(te) van Alis vors ofte van haren Oere ten welken huus en(de) Erue vors piet(er) vorenghenomt Come(n) es
en(de) der in gheerft wel en(de) te wette en(de) heeft(er) al af ghedaen dat hire af sculdech was toe te doene bi wette be
houden der vors renten . Dit was ghedaen Jnt Jaer dat men seit . m . iijc . xxxv smanendachs naer
de triniteit hier ou(er) waren Jhan vlieghe en(de) alaemes Crul scepene(n) van gheroudsberghe
[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
