[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
| Identificatie | |
|---|---|
| country | België |
| settlement | Mechelen |
| repository | Stadsarchief Mechelen |
| collection | OCMW Mechelen |
| idno | 5011 recto |
| Historiek | |
| origPlace | K793r |
| settlement | regioDuffel |
| region | Antwerpen |
Ane alle die ghene die dese lette(re)n zien zelen en(de) horen lesen / jan van hincsenhaghe / jan van stadyken / jan ballaerd
/ jan van lynt / willem vander
Eertbrugghen / heinriic vanden Echelpoele / en(de) heinriic zelle / scepene(n) miere vrouwen van duffle / salut en(de) kennisse der waerheit . Wij doe(n)
te wetene / dat vore den meyere miere vrouwe(n) van duffle en(de) voer ons come(n) es / Jan van beffere / en(de) heeft bekent dat hi sculdegh es Janne
vande(n) Calcouene / en(de) gielise van Aedengheem viiftien pond ouder coniinx groet tornoyse goeder en(de) gherechter / te gheuene en(de) te ghildene
den voerghenoemde(n) Janne van den Calcouene / en(de) gielise van Aedengheem / ochte den ghenen die diese lette(re)n brenght te der voerghenoemder
Jans vanden Calcouene / en(de) gieliis van Aedengheem / ochte des brenghers van desen lette(re)n maennissen . En(de) omme die meere zeker-
heit van desen ghelde den voerghenoemde(n) janne van den Calcouene en(de) gielise van aedengheem te doene / soe heeft die voerghenoemde jan van
beffere met maennissen des meyers en(de) met onsen vonnisse en voerghenoemde(n) janne vanden calcouene / en(de) gielise van aedengheem
tene(n) gherechte(n) onderpande gheset en(de) verbonden / een stucke lants met den gronde en(de) dat daer toe behoert / dat hout tuschen vier
boenre(n) en(de) vierdalf boenre(n) dat gheleghen es bi willems vanden winkele / tuschen den lande oliuiers van heysebroec jn dene zide / en(de)
die strate daer me(n) gheet te mitsele weerd jn dande(re) zide . En(de) dat men hout van miere vrouwe(n) van duffle voerghenoemt . En(de) es
gheschiet jn desen dinghen met maennissen des voerghenoemts meyers en(de) met onsen vonnisse / al datter sculdegh toe was te gheschienne
met den vonnisse / en(de) met den Rechte . En(de) om(m)e dat dit waer es / en(de) dese dinghe alsus voer ons gheschiet siin . soe hebben wij
scepene(n) voerghenoemt onsen ghemeine(n) seghel ane dese lette(re)n ghehanghen . Dit was ghedaen Jnt Jaer ons he(re)n . alse me(n) screef
dusentegh / driehondert / en(de) drie ende twintegh . des sat(er)daghes na des sacraments dagh .
Eertbrugghen / heinriic vanden Echelpoele / en(de) heinriic zelle / scepene(n) miere vrouwen van duffle / salut en(de) kennisse der waerheit . Wij doe(n)
te wetene / dat vore den meyere miere vrouwe(n) van duffle en(de) voer ons come(n) es / Jan van beffere / en(de) heeft bekent dat hi sculdegh es Janne
vande(n) Calcouene / en(de) gielise van Aedengheem viiftien pond ouder coniinx groet tornoyse goeder en(de) gherechter / te gheuene en(de) te ghildene
den voerghenoemde(n) Janne van den Calcouene / en(de) gielise van Aedengheem / ochte den ghenen die diese lette(re)n brenght te der voerghenoemder
Jans vanden Calcouene / en(de) gieliis van Aedengheem / ochte des brenghers van desen lette(re)n maennissen . En(de) omme die meere zeker-
heit van desen ghelde den voerghenoemde(n) janne van den Calcouene en(de) gielise van aedengheem te doene / soe heeft die voerghenoemde jan van
beffere met maennissen des meyers en(de) met onsen vonnisse en voerghenoemde(n) janne vanden calcouene / en(de) gielise van aedengheem
tene(n) gherechte(n) onderpande gheset en(de) verbonden / een stucke lants met den gronde en(de) dat daer toe behoert / dat hout tuschen vier
boenre(n) en(de) vierdalf boenre(n) dat gheleghen es bi willems vanden winkele / tuschen den lande oliuiers van heysebroec jn dene zide / en(de)
die strate daer me(n) gheet te mitsele weerd jn dande(re) zide . En(de) dat men hout van miere vrouwe(n) van duffle voerghenoemt . En(de) es
gheschiet jn desen dinghen met maennissen des voerghenoemts meyers en(de) met onsen vonnisse / al datter sculdegh toe was te gheschienne
met den vonnisse / en(de) met den Rechte . En(de) om(m)e dat dit waer es / en(de) dese dinghe alsus voer ons gheschiet siin . soe hebben wij
scepene(n) voerghenoemt onsen ghemeine(n) seghel ane dese lette(re)n ghehanghen . Dit was ghedaen Jnt Jaer ons he(re)n . alse me(n) screef
dusentegh / driehondert / en(de) drie ende twintegh . des sat(er)daghes na des sacraments dagh .
[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
