[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
Identificatie | |
---|---|
country | Belgiƫ |
settlement | Mechelen |
repository | Stadsarchief Mechelen |
collection | OCMW Mechelen |
idno | 5099 recto |
Historiek | |
origPlace | K330p |
settlement | Mechelen |
region | Antwerpen |
Ane alle die ghene die dese lette(re)n zelen zien en(de) hoeren lesen / meest(er) / meest(er)sse / bruede(re)
suste(re) / en(de)
p(ro)uiseurs vanden huse vander zieker
liede bi mechelne / salut en(de) ken(n)isse der waerheit . want ver liisbeth van Ralenbeke / vranx wiif was van ralenbeke
daer god die ziele af hebben mote / vte minnen en(de) puerre caritaten / die zij hadde ten vorseiden huse / vortiids in aelmoe
senen ghaf den zeluen huse vander zickerhede / een deel erfelecs tsiins / gheliic dat in enen brief / bezeghelt met sce
penen zeghelen van mechelne / en(de) des huis zeghel / die daer op ghemaect es / onthouden es / vte welken tsiinse / der vor
seider ver lissbetthen meininghe en(de) begheert was / dat thuis van Ralenbeke / dat staed in den beghinen hof / hebben
soude erfeleke tsiaers / twintegh schellinghe oud(er) louenche / tvorseide huis van ralenbeke mede te houdene / Te ghildene den
vorseiden huse van ralenbeke / dene helft te sente Jans misse / en(de) dande(re) helft te kersauonde / en(de) want de(n) vorseiden
huse van ralenbeke / dese twintegh schellinghe louensche niet bewiist en(de) siin te heffene te enegher zekerre stad / soe hebben
wij / bi rade en(de) consente der Com(m)oengemeeste(re) scepene(n) / en(de) des raeds vand(er) stad van mechelne bekent / en(de) gheloeft / den vor
seiden huse van ralebeke / de vorghenoemde twintegh . s . louensche / te ghildene en(de) te betaelne / ten tween tiden vorghenoemt / op alle
dat goed / dat den vorseiden huse vander ziekerliede toe hoerd . Jn orconde hier af hebben wij dese lette(re)n bezeghelt metten
zeghele des huis vander ziekerljede vorghenoemt / En(de) om(m)e die meerre zekerheit / van dese dinghen / soe bidde(n) wij eer
samen lieden en(de) wisen / Com(m)oengemeeste(re)n / scepene(n) en(de) den rade vand(er) stad van mechelne vorghenoemt / dat zij horen
zeghel hier ane hanghen willen mette(n) zeghele des huis vorghenoemt . En(de) wij Com(m)oengemeeste(re) / scepene(n) en(de) raed
vander stad van mechelne / want ons dese dinghe kenlec ghemaect siin / en(de) zij om(m)e orbore en(de) p(ro)fit ghedaen sin / soe
hebben wij hier toe onsen consent ghegheuen en(de) begheeren dat vast en(de) ghestade bliue / en(de) om(m)e die meerre ze-
kerheit / onsen zeghel ten zaken / ane dese lette(re)n ghehanghen / mette(n) horen Jn ken(n)issen der waerheit . Dit was ghedaen
Jnt Jaer ons he(re)n / doen men screef . m . ccc . en(de) achte en(de) dertegh . des sat(er)daeghs vore half vastenen
liede bi mechelne / salut en(de) ken(n)isse der waerheit . want ver liisbeth van Ralenbeke / vranx wiif was van ralenbeke
daer god die ziele af hebben mote / vte minnen en(de) puerre caritaten / die zij hadde ten vorseiden huse / vortiids in aelmoe
senen ghaf den zeluen huse vander zickerhede / een deel erfelecs tsiins / gheliic dat in enen brief / bezeghelt met sce
penen zeghelen van mechelne / en(de) des huis zeghel / die daer op ghemaect es / onthouden es / vte welken tsiinse / der vor
seider ver lissbetthen meininghe en(de) begheert was / dat thuis van Ralenbeke / dat staed in den beghinen hof / hebben
soude erfeleke tsiaers / twintegh schellinghe oud(er) louenche / tvorseide huis van ralenbeke mede te houdene / Te ghildene den
vorseiden huse van ralenbeke / dene helft te sente Jans misse / en(de) dande(re) helft te kersauonde / en(de) want de(n) vorseiden
huse van ralenbeke / dese twintegh schellinghe louensche niet bewiist en(de) siin te heffene te enegher zekerre stad / soe hebben
wij / bi rade en(de) consente der Com(m)oengemeeste(re) scepene(n) / en(de) des raeds vand(er) stad van mechelne bekent / en(de) gheloeft / den vor
seiden huse van ralebeke / de vorghenoemde twintegh . s . louensche / te ghildene en(de) te betaelne / ten tween tiden vorghenoemt / op alle
dat goed / dat den vorseiden huse vander ziekerliede toe hoerd . Jn orconde hier af hebben wij dese lette(re)n bezeghelt metten
zeghele des huis vander ziekerljede vorghenoemt / En(de) om(m)e die meerre zekerheit / van dese dinghen / soe bidde(n) wij eer
samen lieden en(de) wisen / Com(m)oengemeeste(re)n / scepene(n) en(de) den rade vand(er) stad van mechelne vorghenoemt / dat zij horen
zeghel hier ane hanghen willen mette(n) zeghele des huis vorghenoemt . En(de) wij Com(m)oengemeeste(re) / scepene(n) en(de) raed
vander stad van mechelne / want ons dese dinghe kenlec ghemaect siin / en(de) zij om(m)e orbore en(de) p(ro)fit ghedaen sin / soe
hebben wij hier toe onsen consent ghegheuen en(de) begheeren dat vast en(de) ghestade bliue / en(de) om(m)e die meerre ze-
kerheit / onsen zeghel ten zaken / ane dese lette(re)n ghehanghen / mette(n) horen Jn ken(n)issen der waerheit . Dit was ghedaen
Jnt Jaer ons he(re)n / doen men screef . m . ccc . en(de) achte en(de) dertegh . des sat(er)daeghs vore half vastenen
[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]