[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
Identificatie | |
---|---|
country | Belgiƫ |
settlement | Mechelen |
repository | Stadsarchief Mechelen |
collection | OCMW Mechelen |
idno | 4979 recto |
Historiek | |
origPlace | K330p |
settlement | Mechelen |
region | Antwerpen |
Ane alle die ghene die dese lett(r)en sien selen en(de) horen lesen / Prior en(de)
Co(n)uent
va(n)
den broede(re)n van hansewiic / van der ordenen van scol [?] naren dale / salut i(n) onsen here
en(de) ken(n)esse der waereit . Wi doen te wetene / dat wi ken(n)en v(er)willecoren en(de) gheloue(n) / voer
ons en(de) vor onse nacomelinghe / dat wi schuldech siin te beheymene / op onsen cost sonder
der non(n)en cost van mechelne / onsen beemd die gheleghen es / neuen der non(n)en beemd / voerghe
seght / bi onsen cloestre / alsoe dat die heyminghe gae van vore tote achter toter dele / en(de)
dat si / staen moet / op donse / gheliic dat het bepaelt es van vore(n)maels . En(de) alsoe altoes dat
om(m)e ghebrec van onser heyminghen / hen / noch ane horen beemd vore gheseght en gheene
scaede / gheschien en sal . En(de) gheschiede hen scaede hieraf / dat siin wi hen schuldech op te
rechtene . Jn orcondscape van desen dinghen / en(de) om(m)e eweleke ghedinkenesse / soe hebben wi
dese lett(r)en bezeghelt met onsen zeghelen / Dit was ghedaen jnt jaer ons he(re)n . m .
driehondert / en(de) seuentiene des vrihendaghs vor halfvastene(n)
den broede(re)n van hansewiic / van der ordenen van scol [?] naren dale / salut i(n) onsen here
en(de) ken(n)esse der waereit . Wi doen te wetene / dat wi ken(n)en v(er)willecoren en(de) gheloue(n) / voer
ons en(de) vor onse nacomelinghe / dat wi schuldech siin te beheymene / op onsen cost sonder
der non(n)en cost van mechelne / onsen beemd die gheleghen es / neuen der non(n)en beemd / voerghe
seght / bi onsen cloestre / alsoe dat die heyminghe gae van vore tote achter toter dele / en(de)
dat si / staen moet / op donse / gheliic dat het bepaelt es van vore(n)maels . En(de) alsoe altoes dat
om(m)e ghebrec van onser heyminghen / hen / noch ane horen beemd vore gheseght en gheene
scaede / gheschien en sal . En(de) gheschiede hen scaede hieraf / dat siin wi hen schuldech op te
rechtene . Jn orcondscape van desen dinghen / en(de) om(m)e eweleke ghedinkenesse / soe hebben wi
dese lett(r)en bezeghelt met onsen zeghelen / Dit was ghedaen jnt jaer ons he(re)n . m .
driehondert / en(de) seuentiene des vrihendaghs vor halfvastene(n)
[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]