[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]
Identificatie | |
---|---|
country | Belgiƫ |
settlement | Mechelen |
repository | Stadsarchief Mechelen |
collection | OCMW Mechelen |
idno | 5201 recto |
Historiek | |
origPlace | K320p |
settlement | Willebroek |
region | Antwerpen |
Wi scepene(n) van wildebroech ghemeinlech make(n) Cont en(de) kinlech alle(n) de ghene(n) die dese lettre(n) zien zele(n)
en(de) hore(n) lese(n) / dat Come(n) es voer ons jn p(ro)pre(n) p(er)sone ysabele va(n) der kokene(n) kinde en(de) liede dat si v(er)cocht heeft
wettelech en(de) redenlech vier po(n)t tsiaers payme(n)ts erflech en(de) em(m)e(r)meer dure(n)de / en(de) te ghildene jaerlijcs een
w(er)ue(n) talle(n) k(er)sauo(n)de(n) te gheuene en(de) te ghildene wout(er) Casse(n) ochte sine(n) nacomeli(n)ghe(n) en(de) altoes te betaelne
met also selke(n) payme(n)ts / alse talle(n) k(er)sauo(n)de jn braba(n)t ghinghe en(de) gaue zal wese(n) / welke voergen vier po(n)t
ysabele voergen heeft bew[ij]st en(de) bezet ghelijc dat een von(n)esse wijsde op tiene Vi(er)dendeel la(n)ts gheleghe(n)
in brede(n)do(n)c lettel min of[t] meer jn deen zide neve(n) heinrike roetbaerde / en(de) jn da(n)d(er) zide neue(n) jan(n)e m(er)griete(n)
zone va(n) d(er) poerte(n) waer bi d[at] ysabele voergh hier toe heeft ghedae(n) Te wout(er) Cas behoef voerg en(de) tsire
nacomeli(n)ghe(n) behoef voerg al dat dat sire sculdech was toe te doene m(et) manesse(n) des rechters diere s[cu]l-
dech op was te mae(re)ne En(de) bi wijsdome va(n) ons scepene(n) voergen va(n) wildebrouch ghemeinlech diere scul-
dech op ware(n) te wisene / En(de) ware dat [?] dat wout(er) Casse(n) ochte sine(n) nacomelinghe(n) voerg jet gheb(ra)ke
alse va(n) die(n) voergen vier po(n)de(n) tsiaers Te voergen daghe / soe soude(n) si h(aer) hant moghe(n) sclaen ane hare(n)
voergen bewijsde(n) pant / jn alle(n) diere maniere(n) gheliic dat een von(n)esse wise(n) soude / En(de) om dat wi scepe
ne(n) (voergen.) va(n) wildebroech ghemeinlech hier ouer en(de) mede ware(n) / daer alle dese voerghen dinghe(n)
sijn ghesciet jn alle diere maniere(n) dat daer vore(n) bescreue(n) es / soe hebbe(n) wi dese lettre(n) bezeghelt met
onse(n) ghemeine(n) zeghele jn kin(n)esse(n) der wareit / Dit was ghedaen jnt jaer ons here(n) Doe(n) me(n) screef
dusentich / driehondert / vijftech en(de) drie / op de(n) Neghentiende(n) dach van Sporkille
en(de) hore(n) lese(n) / dat Come(n) es voer ons jn p(ro)pre(n) p(er)sone ysabele va(n) der kokene(n) kinde en(de) liede dat si v(er)cocht heeft
wettelech en(de) redenlech vier po(n)t tsiaers payme(n)ts erflech en(de) em(m)e(r)meer dure(n)de / en(de) te ghildene jaerlijcs een
w(er)ue(n) talle(n) k(er)sauo(n)de(n) te gheuene en(de) te ghildene wout(er) Casse(n) ochte sine(n) nacomeli(n)ghe(n) en(de) altoes te betaelne
met also selke(n) payme(n)ts / alse talle(n) k(er)sauo(n)de jn braba(n)t ghinghe en(de) gaue zal wese(n) / welke voergen vier po(n)t
ysabele voergen heeft bew[ij]st en(de) bezet ghelijc dat een von(n)esse wijsde op tiene Vi(er)dendeel la(n)ts gheleghe(n)
in brede(n)do(n)c lettel min of[t] meer jn deen zide neve(n) heinrike roetbaerde / en(de) jn da(n)d(er) zide neue(n) jan(n)e m(er)griete(n)
zone va(n) d(er) poerte(n) waer bi d[at] ysabele voergh hier toe heeft ghedae(n) Te wout(er) Cas behoef voerg en(de) tsire
nacomeli(n)ghe(n) behoef voerg al dat dat sire sculdech was toe te doene m(et) manesse(n) des rechters diere s[cu]l-
dech op was te mae(re)ne En(de) bi wijsdome va(n) ons scepene(n) voergen va(n) wildebrouch ghemeinlech diere scul-
dech op ware(n) te wisene / En(de) ware dat [?] dat wout(er) Casse(n) ochte sine(n) nacomelinghe(n) voerg jet gheb(ra)ke
alse va(n) die(n) voergen vier po(n)de(n) tsiaers Te voergen daghe / soe soude(n) si h(aer) hant moghe(n) sclaen ane hare(n)
voergen bewijsde(n) pant / jn alle(n) diere maniere(n) gheliic dat een von(n)esse wise(n) soude / En(de) om dat wi scepe
ne(n) (voergen.) va(n) wildebroech ghemeinlech hier ouer en(de) mede ware(n) / daer alle dese voerghen dinghe(n)
sijn ghesciet jn alle diere maniere(n) dat daer vore(n) bescreue(n) es / soe hebbe(n) wi dese lettre(n) bezeghelt met
onse(n) ghemeine(n) zeghele jn kin(n)esse(n) der wareit / Dit was ghedaen jnt jaer ons here(n) Doe(n) me(n) screef
dusentich / driehondert / vijftech en(de) drie / op de(n) Neghentiende(n) dach van Sporkille
[Dit is slechts een illustratieve weergave van de teksten in
het corpus. Klik hier voor het volledige corpus met alle XML bronbestanden: C14NL.zip]